Die Grafen Günther und Johann, Herren zu Schwarzburg, beurkunden, dass Hermann von Griesheim, benannt aus dem Weidicht, und seine Erben 24 Schillinge Pfennige, 22 Hühner und ein Maß Hafer jährlichen Zinses zu Kottendorf dem Abte Konrad von Isserstedt und der ganzen Sammnung des Klosters Paulinzella für 15 Pfund guter Pfennige verkauft haben.

Übersicht

Die Grafen Günther und Johann, Herren zu Schwarzburg, beurkunden, dass Hermann von Griesheim, benannt aus dem Weidicht, und seine Erben 24 Schillinge Pfennige, 22 Hühner und ein Maß Hafer jährlichen Zinses zu Kottendorf dem Abte Konrad von Isserstedt und der ganzen Sammnung des Klosters Paulinzella für 15 Pfund guter Pfennige verkauft haben.Landesarchiv Thüringen – Staatsarchiv Rudolstadt » Paulinzellaer Dokumente » 1 Paulinzella

Landesarchiv Thüringen – Staatsarchiv Rudolstadt » Paulinzellaer Dokumente » 1 Paulinzella

Urkunde

Zitierweise:

Landesarchiv Thüringen – Staatsarchiv Rudolstadt, Paulinzellaer Dokumente, Nr. 138

Datum von::

17. Sept. 1379

Datum bis::

17. Sept. 1379

Datierung:

?1379 September 17.?

Regest:

Datumszitat:

Noch Cristi geburd drizcenhundert iar in dem nunen unde sybinczigisten iare, nach des heiligen cruces tage an deme neste sunnabinde.

Transkription Vollregest:

Wir grafe Gunther unde grafe Iohans, von gotis gnaden herren zcu Swarczborg, unde alle unser erben bekennen uffinlichen an | disem gegenwertigen brife unde wollen, daz iz wissentlichen si allen den, dy en sen eder horen lesen, daz der erber knecht Herman | von Grisheym, benant uz deme wydicht, unde sine erben habin vorkouft recht unde redelichen met worbedechtigen mute unde | met gutem radthe ere frunde virrenzcwensichz schillinge phennige, zcweinzcwensichz hunre unde eyn mas haffern ewiges zcinses alle iar zcu reychene unde zcu gebene zcu sente Michahelis tag, alzo zcins recht ist, dem ewerdigen herren her Cunrade von Yscherstete apte unde der ganczce samenunge gemeynelichen zcu der Paulinen Celle umme funzcen phund guter phennige genge unde gebe, di sy en nuczlichen bezcalit habin unde dy selbin phennige her an synen nucz unde an synen fromen geleget hat. Den egenanten zcins gebin di lute von den guten, di hir noch beschrebin sten: virrenzcwensichz schillinge phennige unde zcwensichz hunre gebin di lute unde dy gebur von Kotendorf gemeylichen von holczce unde von weyde, daz da heyszet daz Geschocke, Henrich Weber gebet sunderlichen zcwei hunre unde eyn mas haffern von erbe, daz da heysit daz Tan tal. Dy egenanten zcinse unde gute hat der megnante Herman von Grisheym wor uns willeklichen uf gelasen unde wor zcegin alle des rechtin, daz her unde alle sine erbin dar ane gehat habin ader gehabin muckin. Ouch di selbin zcinße unde gute habe wir gelegen unde lygen unde bekennen dorch siner bette willen dem egenanten Cunrade apte unde der ganezeen samenunge zcu eyme ewigen zcinße met al deme rechtin, friheyt, werdikeyt unde halz gerichte, also der dickegenante Herman von Grisheym von uns gehat hat ane allerleyge argelist. Ouch tun dy wor genanten kouffere gunst unde fruntschaft den egenanten vorkouffere, welches iares sy di selben zcinße unde gute mucken weder gekoufe vor sente Michahelis tage umme funfzcen phund phennige, also wor geschrebin stet, so sullen di dickegenanten zcinße unde gute dar noch uf sente Michahelis tag ledich unde loz sy ane allerleyge argelist. Daz alle dyse vorbeschreben rede, stucke unde artikel stete unde gancz uf beyde syten gehalden werde, daz habe wir grafe Gunther unde grafe Iohans herren zcu Swarczborg unser beyder insigil dorch bette willen der megenanten vorkouffern Herman von Grisheym unde sinen erben wissentlichen an disen gegenwertigen brif gehangen unde ich Herman von Grisheym uz deme wydicht unde alle myne erben bekennen alle der vorbeschrebin rede unde globin dy by unsen guten truwen stete unde gancz zcu halden ane allerleyge argelist. Daz habe ich Herman von Grisheym vorgenant zcu eyme ware bekenteniße unde sehirniße [?] unde merer sicherheyt myn insegil, dez myne erben mit mir gebruchin, sin wissentlich an dysen uffin brif lazen gehangen by unsirn gnedigen herren insegil.

Siegel:

Von den drei angeh. Siegeln fehlt das erste, das zweite, runde, zeigt einen Helm mit aufgerichtetem Löwen, Umschrift (etwas undeutlich): S. Ioha . . . comit. de . Swarzburg, das dritte, ebenfalls rund, zeigt einen dreieckigen Schild mit einem Querbalken.

Überlieferungsform:

Ausfertigung

Dorsualvermerk:

lyttera Iohanni [soll heissen: Hermanno] de Grisheym super census in Kotthendorf super dimidiam marcam.

Beschreibstoff:

Pergament

Edition/Literatur:

UB Paulinzelle Nr. 280 (dort weitere, frühere Editionen aufgeführt).

weitere Exemplare:

Hessesche Collectaneen A VIII 7a Nr. 16 Bd. 2, Nr. 301.

URN:

urn:nbn:de:urmel-saru-12189