| In nomine sancte et individue trinitatis. | Notum esse volumus tam presentibus quam futuris omnibus Halberstatensis | ecclesie filiis, precipue nostris in episcopali dignitate successoribus, quod ego Rodolfus dei gratia eiusdem ecclesie dispensator | licet indignus decimas novalium Scirimbich et Gatersteten adiacentium, quas predecessores nostri fratribus in Cella | domine Pauline deo servientibus stabiliter concesserunt, et nos ob memoriam Halberstatensium vivorum et defunctorum libere concedimus. Decimationes igitur eorundem novalium sive excultorum seu excolendorum nostra successorumque nostrorum auctoritate ad Cellam supra dictam pertineant et iuxta abbatis domini Odalrici fratrumque suorum peticionem usibus eorum nullo contradicente sua iura persolvant. Verum ut hec decimarum concessio magis rata permaneat, ad signum confirmationis et dilectionis mansum unum in Eigeluuartesdorf Halberstatensi ecclesie fratres illi in concambium tradiderunt et ut dictum est indeclinabilem sue fraternitatis et orationum [censum adiecer]unt. Si quis vero huic nostre c[once]ssioni, caritati et confirmationi presumptor t[emerarius oblucta] tus fuerit et infringere vel mutare pactionis huius statuta temptaverit, noverit se equiss[imo iud]ici de his in die iudicii rationem redditurum et vindicem dei dexteram non evasurum. Huius rei testes sunt Conradus Romanorum rex, Adelbertus Mogontinus, Arnoldus Coloniensis, Adelbero Treverensis archiepiscopi, Adelbero Premensis, Eigelbertus Babembergensis, Embricho Uuirzeburgensis, Bernhardus Hildenshemensis, Wernherus Monasteriensis episcopi, | Odalricus prepositus ad titulum sancte Marie Halberstatensis, Marcuuardus et | Oteno canonici Halberstatenses, Fridericus dux Suevorum, Adelbertus dux | et marchio in Saxonia, Ludeuuicus regionarius comes, Sizzo de Suarzenberc comes, | Bernhardus comes de Plozco, Wernherus advocatus Halberstatensis, Wernherus de Veltheim, | Vuilleherus et Onico ministeriales Halberstatenses.