In nomine domini, amen. Guntherus dei gratia comes in Swarzburc Christi fidelibus universis litteram hanc visuris salutem in eo, qui est | omnium vera salus. Etsi ad benefaciendum omnes simus debitores, pocius tamen Ulis tenemur benefacere, qui nobis magis familiares existunt. | Hinc est quod, cum dilecti nostri dominus Bertramus abbas, Ekkehardus prior totusque conventus monasterii Celle domne Pauline a discreto viro Heinrico de Gummirstete, nostro castellano in Cranichvelt, duos mansos in Elchileibin, quos de manu nostra in feodo tenuit, de bona voluntate et consensu omnium heredum nostrorum pro viginti marcis emerunt iam dicto H[einrico] plenarie solutis. Huic etiam vendicioni conditio talis est adiecta, ut idem H[einricus] alios duos mansos sue proprietatis in Bozelcibin sitos loco duorum mansorum supradictorum a nobis titulo feodali reciperet, quod factum esse publice in his scriptis protestamur. Nos vero emptionem eorum ratam habuimus et ob respectum salutis anime nostre, predecessorum etiam nostrorum necnon successorum libenter et voluntarie monasterio prefato, domino B[ertramo] abbati et conventui contulimus, quicquid iuris in supradictis duobus mansis in Elchiloibin sitis actenus habuimus. Ut igitur tam vendicio eiusdem H[einrici], quam nostra donatio firma et inviolabilis perseveret in perpetuum, nos presens scriptum dedimus et sigillo nostro communiri fecimus. Huius contractus testes sunt: dominus Albertus de Elchileibin, Ulricus frater ipsius, Fridericus de Wizzeleibin, Fridericus de Angilrode milites, Cunradus de Olstete, Albertus de Swarza et alii plures fide digni.