Frater Cristianus dei gratia Sambiensis episcopus universis Christi fidelibus per Maguntinam dyocesim constitutis in vero sa|lutari salutem. Cupientes quoslibet in Christo fideles ad pietatis opera speciali premio invitare de om|nipotentis dei misericordia et beatorum Petri et Pauli apostolorum eius meritis et auctoritate confisi omnibus vere | penitentibus et confessis, qui ad locum, qui Cella Pauline dicitur, in festis patronorum eiusdem ecclesie, videlicet gloriose virginis dei genetricis Marie, sancti Iohannis babtiste, sanctique Iohannis ewangeliste convenerint ad divinam misericordiam inpetrandam ibidem supliciter et obnixe, annum et karenam de iniuncta sibi penitencia misericorditer relaxamus, accedente consensu venerabilis patris nostri archiepiscopi Maguntini.