Deperit quod in tempore agitur, nisi scripto vel voce testium solidetur. Igitur ad omnium no|ticiam tam presentium quam futurorum cupimus pervenire, quod nos Gunterus et Henricus fratres | comites in Swarzburg proprietatis titulum et ius mansi unius in Kirchem siti, quem Theo|dericus dictus de Alcosleiben ad usus dedit sanctimonialium in Cella cum sorore sua Lucardi, ut ibidem die noctuque famulatura domino includatur, eidem monasterio et conventibus ibidem presentibus liberaliter erogamus. Ad hoc presens scriptum scribi fecimus sigillorum nostrorum appensione communitum.