Volradus dei gratia Halberstadensis ecclesie episcopus omnibus Christi fidelibus audituris presentia et visuris | salutem in domino sempiternam. Volentes, ut monasterium sancte Pauline ad Cellam congruis honoribus frequen|tetur, omnibus vere penitentibus et confessis, qui monasterium Celle dicte in die consecrationis et per octavas | et per mensem et anniversarium consecrationis altaris in honorem beate Margarete virginis ibidem constructi devote visitaverint, quadraginta dies de iniuncta sibi penitentia de omnipotentis dei misericordia et beati Stephani prothomartyris auctoritate confisi misericorditer relaxamus, dummodo reverendi domini nostri . . archiepiscopi Maguntini in hoc voluntas non resistat et consensus.