Cum pium sit, locorum religiosorum utilitatibus intendere, nec aliquid ad ipsorum dispendium adtemptare, nos Guntherus dei gratia comes in Swarzburch literis presentibus | recognoscimus et publice protestamur, quod fidelis noster Ulricus miles de Elchileibin de nostra bona voluntate et licentia nec non de consensu unanimi Ulrici filii sui ac omnium | heredum suorum medietatem unius molendini in Tenstete solventem singulis annis in festo sancti Michahelis quinque fertones aut in festo beati Thome apostoli duos porcos | vernales, predictum censum, scilicet quinque fertones argenti usualis, vel plus valentes, quod Ditericus molendinarius iure possidet hereditario, religiosis viris domino Bertoldo abbati nec non conventui Celle domine Pauline pro octo marcis argenti usualis sibi iam plenarie solutis cum omni iure et titulo proprietatis, fructu, utilitate, pertinenciis ac proventibus presentibus et futuris, nichil expresse seu tacite excipiens, sed quemadmodum predictum molendinum hactenus dinoscitur habuisse, libere et rationabiliter vendidit. Nos quoque ad peticionem Ul[rici] prefati pie moti et flexi, principaliter etiam et pure propter deum nec non ob spem divine retributionis ac specialem anime nostre salutem, honorem utique et profectum ecclesie supradicte diligentes et fideliter promovere cupientes renunciamus omni iuri sive proprio seu feodali, quod nobis in molendino sepedicto ex causis rationabilibus et iustis competere videbatur libere et absolute, transferentes in predictos religiosos abbatem et conventum omne ius et dominium, quod nobis in molendino competebat memorato sine omni werra et litigio et quod vulgariter dicitur ansprache, eosdem deducentes et mittentes in corporalem possessionem, ac perpetuo warandare volentes, indempnes quoque de bonis predictis reddere volentes et securos. In cuius rei certitudinem ampliorem hanc literam sigillo nostro presenti firmiter roborari fecimus. Huius rei testes sunt: Fridericus de Wizzeleibin, Fridericus de Angilrode milites, Fridericus de Hetstete, Hermannus et Hermannus de Grizeim, Hermannus et Guntherus fratres de Meldingin et alii quam plures fide digni.