Nos Bertoldus dei gratia abbas, Guntherus prior totusque conventus ordinis sancti Benedicti claustri Celle domine Pauline | recognoscimus et omnibus literam hanc visuris cupimus fore notum, quod nos habito diligenti tractatu sepius inter fratres utiliora | nostre ecclesie prospicientes et ut conditionem nostre ecclesie faceremus meliorem, unum talentum annui census, cuius Ludewicus Saxo de uno | manso novem solidos et Guntherus de dimidio manso et curia sitis in villa Holzhusen undecim solidos Erfordenses nobis solvit hactenus ac viginti et tres solidos dictorum denariorum, quorum quidem duodecim solidi de manso et dimidio sitis in Bechstete, item quatuor solidi a dimidio manso ibidem, quem soror Kunegundis de Buseleiben possidet, item quatuor solidi de dimidio manso, quem Syfridus Marcravius possidet et tres solidi de una curia, quam Hermannus Scriptor possidet, sitis etiam in Bechstete, nobis hactenus sunt soluti, honestis viris Bertoldo et Ludewico dictis de Tutilstete civibus Erfordensibus de unanimi consensu vendidimus et contulimus iure hereditario pro viginti et quatuor talentis Erfordensium denariorum nobis utiliter persolutis, eo quod cum eadem pecunia et alia redditus alios, scilicet quatuor marcas annui census in maiori Liberge, ab illustribus dominis Gunthero et Heinrico comitibus de Swarzburg, dominis in Blangenberc, nostre ecclesie dinoscimur comparasse. Protestamur insuper, quod Bertoldum et Ludewicum emptores predictos de prefato censu et bonis a nobis emptis promisimus iusticialiter warandare et ab impeticione salvos reddere et indempnes, hoc acto expresse, quod idem emptores in Signum hereditatis dicti census a nobis habende unum denarium pro censu hereditario nostre ecclesie singulis annis solvent. Permisimus quoque et concedimus, ut prenominati censuales bona prenominata, que a nobis hactenus hereditarie possiderunt (!), a prefatis emptoribus inantea iure hereditario possideant et eis faciant obsequia, que nobis usque ad hec tempora prestiterunt, renunciantes omnibus exceptionibus iuris et facti, ac cuilibet beneficio iuris canonici vel legalis, quo prescriptus contractus posset aliqualiter infirmari. Testes huius contractus sunt: honorabiles viri dominus Heinricus scolasticus ecclesie sancte Marie Erfordensis, dominus Theodericus de Wimar, dominus Hartungus sancti Georgii Erfordensis, dominus Hugo in Sanstete ecclesiarum plebani et quam plures alii fide digni. In premissorum etiam fidem testimonium ac incorruptibilem firmitatem prenominatis emptoribus dedimus hanc literam nostrorum sigillorum appensione fideliter roboratam.