In nomine domini, amen. Ad cavendum futura litigia, que discordie mater avaricia generat incessanter, | consilio providencie est inventum gesta hominum scripture testimonio perhennari. Noverint universi presentes ac Rosla bona deliberacione prehabita et de maturo consilio amicorum meorum | bona mea sita in Libergen, videlicet XIII mansos et dimidium, strenuo militi Friderieo de Wizeleiben vendidi rationabiliter cum omni iure et utilitate, quod habebam in eisdem tam in pratis quam rubetis ac nemore et in villa quam extra villam, nec non suis heredibus in perpetuum possidendos, et si concambium memoratus Fr[idericus] cum dictis bonis facere decreverit seu fecerit cum quibuscunque, id de nostra voluntate optime consistit et favore, dans super eo presentem literam in testimonium meo sigillo firmiter roboratam. Testes huius rei sunt: Henricus de Denstete, Fridericus de Angelrode, Ditmarus de Buseleiben, Th. de Wechmar milites et alii plures fide digni.