In nomine domini, amen. Nois Guntherus comes de Swarzburg nec non dominus in Blankenberc recognoscimus tenore presentium litterarum dilucide profitentes, | quod liberaliter unanimi consensu et voluntate fratris nostri Heinrici comitis de Swarzburg ac suorum heredum Guntheri, Heinrici et Guntheri ob reverenciam | dei omnipotentis et sue gloriose matris Marie semper virginis atque omnium sanctorum dedimus et damus donatione perfecta inter vivos ecclesie Celle domine Pauline | villam Nawindin cum omnibus iuribus, obventionibus, pertinentiis, districtu et iuris dictione, quod vulgariter dicitur halsgerichte, et terciam dimidiam marcam Vribergensis argenti ad redimendum dimidium mansum in Westerndorph ad dictam ecclesiam Celle domine Pauline pertinentem titulo proprietatis, quem Theodericus dictus Schadewalt tenet et possidet nomine pensionis, ad unam missam tenendam et habendam in ecclesia Celle domine Pauline supradicte in altari decem milium militum temporibus perpetuis observandam. Quae omnia bona et singula damus irrevocabiliter et incommutabiliter, sicut nos et progenitores nostri tenuerunt ab antiquo. Renuntiamus insuper omni privilegio, rescripto, statutis, consuetudinibus, exceptionibus, appellationibus, beneficio restitucionis in integrum et prorsus omnibus iuribus sive canonibus et rationibus, quibus predicta donatio per nos sic liberaliter facta in parte vel in toto posset vulnerari vel quomodolibet viciari. In cuius rei testimonium et ad eterne rei memoriam presentem litteram dicte ecclesie domine Pauline dedimus sigillorum nostrorum munimine roboratam. Testes huius rei sunt sive donationis: dominus Heinricus dictus de Engerde rector ecclesie in Blankenberc, Albertus dictus Stange miles, Heidinricus dictus Stange senior, Helherus dictus de Tanheim noster castellanus, Hermannus dictus de Grizheim senior, Hermannus dictus de Grizheim iunior patrueles, Henimannus dictus Rost, Guntherus dictus de Gummerstete, Heinricus dictus Monachus et alii quam plures fide digni.