Nos Guntherus dei gratia comes in Kevernberc senior recognoscimus et ad noticiam universorum | tam presencium quam futurorum cupimus pervenire, quod tres mansos in maiori Libergin sitos | ad instanciam Heinrici militis de Deginsteti, qui duas filias ecclesie Celle Pauline, | ubi deo servient, coad vixerint, collocavit, hos mansos propriavimus dicte ecclesie integraliter cum omni fructu, utilitate et omnibus pertinentiis libere et solute, ita quod deinceps neque iuris advocaticii neque occasione iuris alterius cuiuscunque cum exactione et angaria cessante in eisdein bonis nichil omnino debemus vel nobis volumus vendicare, sed pocius contra omnes personas dictos mansos turbare vel molestare volentes firme protectionis et defensionis clipeo cupimus defensare. Extunc etiam renunciamus omni exactioni, iuri et iuris suffragio, si quod in prenominatis bonis nobis competit vel competere poterit, quoquomodo excepto iudicio sanguinis, cui iudicio sculteti nostri tenentur et poterunt presidere. Ut autem huiusmodi propriacio rata maneat et firma et robur capiat perpetue firmitatis, presentem litteram dedimus domino Heinrico abbati et suo conventui nostro sigillo munimme perpetuo roboratam.