Nos frater Heinricus de Appoldia dei et apostolice sedis gratia episcopus ecclesie Lavacensis gerentes vices in pontificalibus | reverendi in Christo patris ac domini domini Heinrici sancte Moguntine sedis archiepiscopi recognoscimus publice | in hiis scriptis, quod omnibus vere penitentibus, contritis et confessis, qui capellam sancte Marie Magjdalene et altare beate Katarine virginis in Cella beate Pauline in festis infra scriptis, videlicet pasche, ascensionis, penthecostes, trinitatis, corporis Christi, nativitatis, circumcisionis et epyphanie domini, in diebus Palmarum, cene, parasceves et rogationum, in diebus sancte crucis, in omnibus diebus beate Marie virginis, in singulis diebus apostolorum, in die beate Marie Magdalene, in die beate Katerine virginis, in die omnium sanctorum, in die omnium animarum, in diebus patronorum ac dedicationum et in octavis festivitatum predictarum octavas habentium huiusmodi causa devotionis accesserint vel qui cimiterium dicte capelle orando ibidem pro fidelibus defunctis circumierint vel qui corpus Christi vel oleum sanctum tum ibidem portatum ad infirmos secuti fuerint vel qui ad luminaria et quevis ornamenta capelle predicte manus porrexerint adiutrices, quandocunque vel quotiescunque premissa fecerint de omnipotentis dei misericordia et beatorum Petri et Pauli apostolorum eius meritis et auctoritate confisi quadraginta dies criminalium, annum venialium et unam karenam de iniunctis sibi penitenciis misericorditer in domino relaxamus.