Nos Guntherus prepositus sanctimonialium in Arnstete tenore presentium protestamur, quod constituti coram nobis | Henricus Ernesti, Andreas de Tenstete nec non Henricus dictus Podewicz, civis in Ilmene, | generi quondam Ludewici de Osthouen bona deliberacione prehabita et voluntate in solidum promiserint | bona fide solvere et tradere domino abbati Celle Pauline nec non Iohanni plebano in Elcheleybin tres marcas puri argenti occasione ratione exspensarum contra Ludewicum predictum eorum socerum in lite factarum, quam summam pecunie arbitrarie dandam predictis iniunximus terminis subnominatis, unam marcam videlicet festo Martini proxime afuturo, reliquas duas marcas divisim quolibet festo Walpurgis inmediate subsequentibus semper dimidiam marcam, donec due marce complete solvantur contradictore quolibet integraliter persolvendas. Preterea inter partes predictas est ordinatum post solutionem huius pecunie, quod omnis inpeticio, que predicto Ludewico et suis heredibus, ut asserunt, competebat contra dominum abbatem et monasterium Celle Pauline, omnimode et penitus sit exstineta. Testes huius sunt Conradus dictus Weyger, Theodericus de Elcheleybin milites, Conradus Schenke, Iacobus de Ilmene, cives in Arnstete ad hanc ordinacionem specialiter vocati et rogati et alii quam plures fide digni. Ut hec rata permaneant et persistant, sigillum nostrum huic ordinacioni apposuimus ad rogatum partium in testimonium premissorum.