In nomine domine, amen. Nos Moroldus et Otto fratres dicti de Hetstete ad noticiam universorum hanc cartulam legentium seu | audientium volumus pervenire, quod cum bona deliberatione ac maturo consilio compotes virium reverendo in Christo patri | ac domino domino Hermanno de Hetstete abbati totique conventui domine Pauline Celle tres areas sitas in | villa maiori Hetstete, quarum unam Conradus dictus Not cum suis heredibus iure hereditario possidet et possidebit, de qua possessor quivis unum pullum et unum solidum denariorum et hoc constat in arbitrio possessorio ad festum beati Michahelis singulis annis fuerit persolvendus, aliam vero aream dy Rudegern cum suis heredibus hereditarie possidet, de qua dat unum pullum ad festum beati Michahelis annis singulis, terciam aream possidet et occupat Kunne Hemylrychs cum suis heredibus, de qua dat unum pullum annuatim in festo prehabito et duas sexigenas ovorum, que dat Iohannes Knus et sui heredes de humulario existenti in campis ville predicte ad festum pasce annue pensionis, cum iure patronatus ecclesie ville prescripte, prout dudum ab honorabili domino ac domino nostro comite in Glychen iure feodali ad nostros progenitores et ad nos dinoscitur pertinere, pro salute omnium progenitorum nostrorum et in salubre animarum nostrarum remedium, qui incommutabile bonum reddere non desistat, dedimus et damus et omni iuri nostro nomine predictorum bonorum voluntarie abrenunciamus per presentes, rogantes igitur honorabilem dominum ac dominum nostrum comitem in Glychin, quod pure propter deum, qui est salus omnium et nostri intuitu servicii honorabili domino predicto suoque conventui ea bona prenominata in cultum divinum et in spem future glorie sue salutis dignetur appropriare. Quam appropriacionem et donacionem nos fratres Moroldus ratam et. gratam habituri et in Signum maioris, evidencie necnon in testimonium omnium premissorum sigillum amicorum nostrorum, videlicet discreti viri domini Hermanni de Elcheleybyn, canonici ecclesie sancte Marie in Gotha, plebani in Remde et strennui militis Kerstani de Witzceleybin, advocati in Orlamunde, presentibus duximus apponendum. Testes autem huius rei sunt hii: Bertoldus plebanus in Haynsberg, Iohannes plebanus in Spreberg et Conradus dictus Byschof civis in Remde et alii multi fide digni, quorum fuerit interesse.