Diese Webseite verwendet Cookies (Webanalysedienst: Matomo, sowie Sessioncookies). Mit der Nutzung der Seite erklären Sie sich mit der Verwendung dieser Cookies einverstanden. Einzelheiten entnehmen Sie bitte den Datenschutz.
Landesarchiv Thüringen – Staatsarchiv Rudolstadt, Paulinzellaer Dokumente, Nr. 156
Datum von::
25. Mai 1391
Datum bis::
25. Mai 1391
Datierung:
?1391 Mai 25.?
Regest:
Heinrich Srothan, Bürger zu Blankenburg, und seine Ehefrau Richza verkaufen 5 Schillinge jährliches Zinses von einem Weingarten auf dem Hoffelberg bei Blankenburg an den Konvent des Klosters Paulinzella für 2 Pfund guter Pfennige.
Datumszitat:
Nach Cristi geburten dryzcenhundirt iar in dem eyn unde nunczigisten iare, an sentte Vrbans tage, des heiligen babistes.
Transkription Vollregest:
Ich Henrich Srothan burger zcu Blanckenberg unde Rychzcy myn eliche wertin bekennen unde thun kunt vor uns | unde vor alle unse erben offelichen an desen offen briffe vor allen luten, dy en sehen, horen odir leßen, daz wir recht unde rede|lichen mit guten rate unde wolbedachten muten vorkouft haben unde vor kouffen in eynis ewighen kouffes wyse fünf | schillinge geldis ierlicher zcinse of sente Michils tag zcu reichene unde zcu gebene von unsem wingarten zcu Blanckenberg an dem Hofelberge gelegen den erwerdigen geistlichen hern dem covente des clostirs sentte Paulin Celle unde haben en dy vorkouft unde gegeben umme zcwey phunt gutir phennige, dy su uns nuczlichen unde wolbezcalt haben unde wir dy an unsen framen kuntlichen gewant haben. Ouch geben wir vor von dem egnanten wingarten den obgnanten herren unde covente ierlichen of sente Michils tag dry schillinge geldis. Ouch geloben wir obgnanten vorkouffere vor uns unde vor alle unse erben, ab den obgnanten herren unde covente an erren egnanten zcinsen icht abeginge, daz su sich irre zcinse an dem egnanten wingarten nicht irhole kunden, daz wir en dy herstaten unde bewiße wollen an andirn unsen guten also dicke, also des not gesche. Ouch haben dy obgnanten herren unde covent den obgnanten vorkouffern dy gunst unde fruntschaft getan, daz su dy obgnanten funf Schillinge geldis den obgnanten herren wedir abekouffe mogen vor sente Walpurge tage, welchis iaris en daz ebent. Teten su abir den wedir kouf nach sentte Walpurge tage, so sulden dy funf schillinge geldis dar nach of sente Michils tag den herren genczlichen vor vallen sy. Ouch ist gered, ab dy obgnanten herren unde covent irre summen geldis wolden wedir haben, welchis iaris daz were, so sulden su daz den obgnanten vorkouffern eyn virteil iaris vor vorkundige unde dy obgnanten vorkouffere sulden dy obgnanten herren unde covent ere summen geldis dar nach of sente Walpurge tag gutlichen unde genczlichen bezcalt haben. Wo dy vorkouffere dar an sumig worden, was des dy egnanten herren mogeliches schaden nemen zcu iuden odir czu cristen luten, des sulden su dy obgnanten kouffere abeneme an alle wedirrede unde geverde. Czu warme bekentnisse, orkunde unde sichirheit allen desir vor unde nach beschrebinre rede, stucke unde artikel deses briffis des habe ich obgnanter Henrich Srothan, Richzci myn elichen wertin unsin gnedigen herren hern Iohannes apt des obgnanten closstirs, leen herren des obgnanten wingarten, syn insegel an desen offen brif gebeten zcu hengene unde wir yczunt gnantir Iohannes von gotis gnaden apt des obgnanten | clostirs bekennen, daz wir durch bete willen der obgnanten vorkouffere unsir insegel wissentlichen haben an desen offen briff gehengit.
Siegel:
Das angeh. mit grünem Wachs überzogene spitzovale Siegel ist stark beschädigt.
Überlieferungsform:
Ausfertigung
Dorsualvermerk:
super censum in Blankenberg . s. | V solidos reempcionis et super | III solidos perpetui census.
Beschreibstoff:
Papier
Edition/Literatur:
UB Paulinzelle Nr. 300 (dort weitere, frühere Editionen aufgeführt).