Ich Dytherich von Bulwicz unde alle myne erbin bekennen offinlich an | dissem geynwertigen briffe vor allen den, di on sehen, horen odir lesin, daz wir | czen ackir wese wachsses inne haben zue rechteme len rechte, di da | gelegin sint zue Wennigin Libergin in dem felde von unseme heren dem apte zue der Paulin Celle, di da gehoren in daz gut, daz Henrich von Grisheym koufte wedir Clawe Konning, di von dem egenanten heren unde gotz hus zue lene geyn. Disse selben egenanten czen ackir wese wachsses sal ich Dytherich unde myne erben dem egenanten myme heren dem apte edir siner sammenunge widir geben ume sechs unde czwencig phunt Erfortischer phenge, welchis iares daz si wollen vor sente Walpurge tage also bescheydelichin, also sy Henrich von Grisheym unde sine erben nicht en losen zue myir Dytherich odir zue mynen erben unde haben des zu merer sichirkeit unde woren bekentniße myn insigil an dissen uffin briff gehengit.