Theodericus Bogel, prepositus ecclesie Wormaciensis, apostolice sedis nuncius fructuumque reddituum et proventuum, iurium ac bonorum | apostolice camere in civitate, diocesi et provincia Maguntinensi etc. debitorum collector generalis a sede apostolica specialiter | deputatus, recognoscimus per presentes, quod venerabilis et religiosus pater et dominus abbas monasterii Celle Pauline Ma|guntinensis dioceseos tres florenos Renenses annui census, in quibus supra dictus dominus abbas camere apostolice de tribus annis, videlicet millesimi quadringentesimi tricesimi quarti, tricesimi quinti et tricesimi sexti, obligatus existebat pro quolibet anno unum florenum Renensem computando nobis ut collectori dedit, persolvit et effectualiter ad nostras manus presentari fecit, de quibus quidem tribus florenis nobis, ut premittitur, de tribus annis supradictis solutis prefatum dominum abbatem omnesque alios et singulos, quorum interest seu interesse poterit, plenarie quitamus et liberamus, quitos et liberos dicimus et pronunciamus per presentes. In cuius rei testimonium sigillum nostri collectoriatus officii presentibus est appensum.